O Colexio de Xornalistas solidarízase cos traballadores de La Capital
A Xunta de Goberno do Colexio Profesional de Xornalistas de Galicia (CPXG) solidarízase cos traballadores de La Capital, que teñen anunciado medidas de protesta polas súas precarias condicións laborais e pola redución dos cadros de persoal. A última medida da empresa foi o despedimento de dúas xornalistas de Diario de Ferrol. Ademais deste xornal, La Capital tamén edita El Ideal Gallego, Diario de Arousa, Diario de Bergantiños e DXT Campeón.