Premio de Xornalismo David Gistau
Unidad Editorial e Vocento crearon o Premio de Xornalismo David Gistau en homenaxe ao xornalista, columnista e escritor David Gistau, falecido en febreiro aos 49 anos.
O galardón quere pór en valor o "xornalismo de calidade e independente, que de forma honesta e valente encarnou David Gistau”. Deste xeito, cada edición poderá estar dedicada a todos ou algún dos formatos e xéneros xornalísticos que cultivou Gistau.
Poden presentarse a esta edición colaboracións e artigos de opinión publicados ou emitidos en prensa impresa, medios dixitais, radios ou televisións entre o 1 de xaneiro e o 30 de xuño de 2020. Outorgarase un único premi de 10.000 euros.
O prazo de presentación de candidaturas, que se terán que inscribir a través da web do premio, remata o 15 de setembro ás 14:00 horas. O veredicto darase a coñecer a primeira semana de novembro.
Máis información nas bases do premio.