Os proxectos presentados ao galardón deberán ter sido publicados en prensa escrita, radio, televisión e/ou medios dixitales no transcurso de 2020, en español ou inglés, e a súa temática debe tratar a innovación tecnolóxica no ámbito dos sectores estratéxicos arredor dos que xira o Foro: Administracións Públicas, Aeronáutico e aeroespacial, Agroalimentario, Agrupacións empresariais innovadoras, Enerxía, Financeiro, Industria, Infraestruturas e transportes, Medio ambiente, Plataformas tecnolóxicas españolas; Sanidade, Servizos e TICs.. Concederase un premio de 3.000 euros en cada categoría, distinguíndose entre traballos audiovisuais e escritos.

Como novidade, nesta edición o xurado pode acordar entregar unha mención específica entre os traballos relacionados coa COVID-19 e un recoñecemento a artigos elaborados por áreas de comunicación de entidades científicas difundidos en medios xeralistas. Tamén se fará unha mención específica a un medio ou artigo internacional publicado por divulgadores españois nalgún país da Unión Europea e Latinoamérica; unha mención e recoñecemento á traxectoria dun programa, e unha mención ao mellor proxecto en materia de igualdade.

Os traballos deben ser presentados antes do 31 de decembro mediante o envío por correo electrónico aos enderezos dpastrana@fycma.com e rdorronsoro.ext@fycma.com. Pódese presentar un único traballo por persoa

Máis información nas bases do premio.