Colexio Profesional de Xornalistas de Galicia

• O Colexio
  • Organigrama
  • Historia
  • Discurso toma de posesión decano
  • Funcións e competencias
  • Imaxe corporativa
  • Lei de creación
  • Estatutos
  • Código Deontolóxico do Xornalismo Galego
  • Regulamentos
• Como colexiarse
• Asesoría
• Documentación
  • Comunicados
  • Lexislación
  • Publicacións
  • Recursos
• Servizos e Convenios
• Subscrición ao
• Premio José Couso
• Premio A Imaxe de Galicia
• Novidades
  • Axenda
  • Novas
  • Avisos
  • Cursos
  • Enquisas
• Dosieres
• Foros
• Guía da comunicación
• Ligazóns

TRAS O SORTEO REALIZADO EN MAIO

A biblioteca da USC regala cinco libros electrónicos entre os usuarios

[09/07/2009] A biblioteca da Universidade de Santiago de Compostela (USC) semella non terlles medo ás novas tecnoloxías aplicadas ao mundo do libro. Cando menos é o que dá a entender a entrega realizada este martes sete de cinco e-books a outros tantos universitarios que participaron na campaña 'Fai que a túa opinión conte'.

A biblioteca quere premiar así aos usuarios que cubriron as enquisas para coñecer o grao de satisfacción sobre os servizos.

Os premiados foron as estudantes Olalla Calvo Míguez e Paula Vázquez Ramos, e, por parte do Persoal Docente e Investigador, Manuel Pereiro López, María del Carmen Rodríguez Pérez e María Dolores Cadaval Sampedro. Os cinco recolleron os seus respectivos libros electrónicos nun acto no Salón Reitoral do Colexio de San Xerome, de mans da vicerreitora de Investigación e Innovación María José Alonso.

O sorteo dos cinco libros electrónicos realizouse no pasado mes de maio entre as máis de 1.200 persoas que cumprimentaron as enquisas sobre os servizos da biblioteca. Estas estaban dirixidas a toda a comunidade universitaria e foron cubertas principalmente polo Persoal Docente e Investigador e polo estudantado, seguidos do Persoal de Administración e Servizos .

O obxectivo da campaña foi avaliar as opinións dos usuarios da biblioteca universitaria, detectando as posibilidades do servizo e recompilando información que poda servir para melloralo. Neste traballo, a biblioteca contou coa colaboración da Área de Calidade da Vicerreitoría de Calidade e Planificación Estratéxica da USC.

Outras novas