Colexio Profesional de Xornalistas de Galicia


Venres, 10 de setembro de 2010 | 12:44

Portada | Mapa web | Contacto


Imprimir Enviar

MANIFESTACIÓN PREVIA Á FOLGA O 27 DE FEBREIRO

Apróbase o calendario de paros e constitúese o comité de folga en RTVE

[05/02/2010] En reivindicación dun plan de produción propia, o Comité Xeral Intercentros de RTVE convoca paros, o día 17 de febreiro, de 13:00 a 15:00 e de 19:00 a 21:00 horas, e unha manifestación, o día 27 de febreiro, preámbulos para a folga de 24 horas prevista para o día 3 de marzo.

Máis de 800 traballadoras e traballadores da Radio e Televisión Española (RTVE e RVE) concéntranse en Prado del Rey para pedir, á dirección da empresa, que fomente a ocupación efectiva do persoal e paralice a externalización do traballo cara ás produtoras privadas. Esta é só unha das accións reivindicativas do colectivo, cuxo Comité Xeral Intercentros convoca folga para o día 3 de marzo tras aprobar o calendario de mobilizacións e constituír o comité de folga.

A concentración percorreu as instalacións de RTVE en Prado del Rey durante máis dunha hora e produciu unha forte pitada ás portas dos estudos de Radio Nacional de España no momento en que se facía, en directo, o programa "En días como hoxe". O presentador do programa, Juan Ramón Lucas, viuse obrigado a explicar á audiencia a orixe do son de fondo que, inevitablemente, se retransmitía.

O persoal reivindica un plan de produción interno, a medio prazo, en RNE e TVE, estruturado por áreas e centros de traballo, negociado coa representación do persoal e inclusivo dunha mesa de control e vixilancia que garanta a continuidade do traballo na empresa.

CCOO
Ligazóns

© Colexio Profesional de Xornalistas de Galicia.

Política de privacidade | Mapa web | Contacto | Sindicación RSS

Coa colaboración de:
Xunta de Galicia. Presidencia. Secretaría Xeral de Comunicación